பயணம்

கன்ஷ்யாம் திருடன். மேலிடத்தில்

செல்வாக்கு. மனைவி

அழகாக இருப்பாள்.

கலவரம் என்றால் நாயர்

போகாமலே எழுதுவான்.

சிகப்பு விளக்கு எழுதப் போறான்.

புதுமுகம் தயாராக இருந்தாள்.

துணிமாட்ட ஹாங்கர் இல்லாத வீடு.

பாரீஸ் போகிறார் நம்ம ..

சிகிச்சைக்குத் தானாம்.

ராஜனும் அப்புறம் போகணும்.

நமது கலை விமர்சகி

சிலிக்கன் சிகிச்சை

செய்து கொண்டாள்.

நண்பர்களும் இனி

மண் தின்பார்கள்.

காமிராவை ரொப்பினாயா?

கலரெல்லாம் பிரமாதமாய் வரணும்,

அங்கே பெண்கள் ரவிக்கை போடுவதில்லை.

வண்டியைக் கொஞ்சம் நிறுத்து.

பெரியவரே, ஆதிவாசிகள் குடியிருப்பு

இந்தப் பக்கம் தானே?

(கணையாழி)